Mkeka mpya wa wateule wapya wa Rais katika nafasi za wakuu wa wa mkoa, wilaya na wakurugenzi umetoka rasmi Juni 23, 2025, hii ikimaanisha baadhi ya wateule walioonesha nia ya kwenda majimboni kugombea kupitia Chama cha Mapinduzi wanaingia rasmi kwenye mchuano wa kura za maoni.

Wateule hao walitakiwa kuandika rasmi kuonesha nia zao za kuingia kwenye uchaguzi ujao. Uchaguzi huu unatarajiwa kuwa wa kipekee katika historia ya Tanzania baada ya chama kikuu cha upinzani nchini, CHADEMA, kutangazwa kuzuiwa rasmi kushiriki katika uchaguzi na Tume ya Taifa ya Uchaguzi mnamo Aprili 12, 2025.

Mnamo Machi 11, 2025, katika mkutano wa 39 wa Jumuiya za Serikali za Mtaa (ALAT), Rais Samia alitoa wito kwa wale walioshika nafasi mbalimbali za serikali na wana nia ya kugombea watoe taaarifa rasmi serikalini.

“Nilimuambia Katibu Mkuu kiongozi peleka waraka rasmi Serikali za Mitaa. Yeyote mwenye nia ya kugombea atuambie mapema ili tumpandishe wa chini yake ashike ile nafasi. Hatutaki pale tayari fomu zinatoka watu wote wanakimbia kwenda kuchukua fomu mnatuacha Serikali za Mitaa hazina viongozi, hazina wasimamizi. Mnabakia kujaza watu ambao hawana uzoefu. Lakini tukijua mapema tutatayarisha watu wa kujaza hizo nafasi,” alieleza Rais Samia.

“Sasa usipojisema mapema, ukija ukichukua fomu mbele umekosa yote. Umekosa fomu, umekosa cheo, nafasi yako utaiacha. Ukituambia mapema, ukituambia mapema, umekwenda kujaribu, umeshindwa na wewe ni mzuri tutakufikiria kurudi,” alisisitiza zaidi Rais Samia.

Baadhi ya mabadiliko yaliyofanyika ni pamoja na Mkuu wa Mkoa wa Simiyu Kenan Leban Kihongosi, kuhamishiwa Arusha kurithi mikoba ya Paul Makonda. Tetesi mbalimbali zinaonesha Makonda anatarajiwa kuingia kwenye kura za maoni Arusha. Mpaka sasa amekuwa na mvutano mkali na Mbunge wa sasa wa Arusha, Mrisho Gambo. Anamringi Macha amehamishwa kutoka kuwa Mkuu wa Mkoa wa Shinyanga na kwa sasa atahamia rasmi Simiyu kama Mkuu wa Mkoa mpya.

Wengine walioteuliwa ni pamoja na Mkuu wa Jeshi la Polisi Mstaafu, Balozi Simon Sirro ambaye amekuwa Mkuu wa Mkoa wa Kigoma akichukua nafasi ya Thobias Andengenye. Kheri James, aliyekuwa Mkuu wa Wilaya Iringa amepandishwa na kuwa Mkuu wa Mkoa Iringa akichukua nafasi ya Peter Serukamba, aliyetangaza mapema mwezi wa tano nia yake ya kugombea Ubunge.

Mboni Mohamed Mhita aliyekuwa Mkuu wa Wilaya Kahama ameteuliwa kuwa Mkuu wa Mkoa wa Shinyanga. Beno Malisa aliyekuwa Mkuu wa Wilaya Mbeya pia ameteuliwa kuwa Mkuu wa Mkoa wa Mbeya akichukua nafasi aliyokuwa ameishika Juma Zuberi Homera, ambaye katika ukurasa wake wa Instagram, ameonesha kuwa anaenda kugombea Ubunge; “Tayari ule Muda umefika, tukutane site 2025,” anaandika Homera.

Jabiri Omari Makame ameteuliwa kuwa Mkuu wa Mkoa wa Songwe, nafasi iliyokuwa ikishikiliwa na Daniel Godfre Chongolo. Katika ukurasa wake wa Instagram Chongolo ameeleza kuwa anarudi Njombe: “Kijiti nakikabidhi kwa mdogo wangu mkubwa Jabir makame…narudi nyumbani Njombe,” ameeleza Chongolo.

Aliyekuwa Mkurugenzi wa Shirika la Reli, Masanja Kadogosa naye ameondolewa kwenye nafasi aliyokuwa anaishikilia na Injinia Machibya Masanja kuteuliwa, Machibya alikua ni Mkurugenzi wa miundombinu katika Shirika la Reli. Kadogosa amekuwa akitajwa tajwa Bariadi, na hata katika ziara ya Katibu Mkuu wa CCM, Emmanuel Nchimbi mnamo Juni 15, 2025, Kadogosa alisimamishwa pamoja na Mbunge wa sasa, Kundo Andrea Mathew na Mbunge wa Viti Maalum Lucy Sabu, ambapo Katibu wa chama hicho alisisitiza kuwa chama hicho kinawahitaji wote, akiongelea kuhusu suala la uchaguzi ndani ya chama hicho.

Mabadiliko haya yanakuja katika siku hiyo hiyo ambayo CCM imetangaza kusitisha ziara, mikutano, semina na makongamano, yanayohusisha wajumbe wa vikao vinavyopigia kura za maoni hadi baada ya kura za maoni, ikionekana ni jitihada za kuzuia ushawishi usio halali kwa wajumbe, Katikati ya joto kali la mchakato wa kura za maoni.

Wengine walioteuliwa jana Juni 23, 2025, ni pamoja na:

1. Bi. Agnes Meena ameteuliwa kuwa Katibu Mkuu wa Wizara ya Mifugo na Uvuvi.
2. Bw. Rashid Kassim Mchata amehamishwa kutoka Mkoa wa Pwani kwenda kuwa Katibu Tawala wa Mkoa wa Tanga
3. Bi. Pili Hassan Mnyema amehamishwa kutoka Mkoa wa Tanga kwenda kuwa Katibu Tawala wa Mkoa wa Pwani.
4. Bw. Abdul Rajab Mhinte ameteuliwa kuwa Katibu Tawala wa Mkoa wa Dar es Salaam
5. Dr. Frank Hawasi ameteuliwa kuwa Katibu Tawala wa Mkoa wa Songwe.\
6. Dr. Hussein Mohamed Omar amehamishwa kutoka Wizara ya Kilimo kwenda kuwa Naibu Katibu Mkuu wa Wizara ya Elimu, Sayansi na Teknolojia
7. Prof. Peter Lawrence Makenga Msoffe ameteuliwa kuwa Naibu Katibu Mkuu, Ofisi ya Makamu wa Rais anayeshughulikia masuala ya mazingira
8. Mhandisi Athumani Juma Kilundumya ameteuliwa kuwa Naibu Katibu Mkuu, Wizara ya Kilimo anayeshughulikia masuala ya maendeleo ya mazao na usalama wa chakula
9. Solomon Jonas Itunda amehamishwa kutoka Wilaya ya Songwe kwenda kuwa Mkuu wa Wilaya ya Mbeya
10. Japhari Kubecha Mghamba amehamishwa kutoka Wilaya ya Handeni kwenda kuwa Mkuu wa Wilaya ya Gairo
11. Amir Mohamed Mkalipa amehamishwa kutoka Wilaya ya Arumeru kwenda kuwa Mkuu wa Wilaya ya llemela
12. Estomin Mwatuyobe Kyando ameteuliwa kuwa Mkuu wa Wilaya ya Kilolo
13. Ayubu Yasin Sebabile ameteuliwa kuwa Mkuu wa Wilaya ya Muheza
14.  Thecla Mkuchika ameteuliwa kuwa Mkuu wa Wilaya ya Butiama
15. Angelina Marco Lubela ameteuliwa kuwa Mkuu wa Wilaya ya Serengeti
16. Maulid Hassan Dotto ameteuliwa kuwa Mkuu wa Wilaya ya Mvomero
17. Rukia Ally Zuberi ameteuliwa kuwa Mkuu wa Wilaya ya Mwanga
18. Mwinyi Ahmed Mwinyi ameteuliwa kuwa Mkuu wa Wilaya ya Arumeru
19. Jubilete Win Lauwo ameteuliwa kuwa Mkuu wa Wilaya ya Magu
20. Mikaya Tumaini Dalmia ameteuliwa kuwa Mkuu wa Wilaya ya Kigamboni
21. Thomas Mendraid Myinga ameteuliwa kuwa Mkuu wa Wilaya ya Sikonge
22. Gloriana Julius Kimath ameteuliwa kuwa Mkuu wa Wilaya ya Monduli
23. Upendo Bert Wella ameteuliwa kuwa Mkuu wa Wilaya ya Tabora
24.  Denis Gervas Masanja ameteuliwa kuwa Mkuu wa Wilaya ya Tunduru
25. Fadhil Emanuel Nkurlu ameteuliwa kuwa Mkuu wa Wilaya ya Songwe
26. Benjamin Samwel Sitta ameteuliwa kuwa Mkuu wa Wilaya ya Iringa
27. Salum Nyamwese ameteuliwa kuwa Mkuu wa Wilaya ya Handeni
28. Frank John Mkinda ameteuliwa kuwa Mkuu wa Wilaya ya Kahama
29. Mwanamwaya Kombo ameteuliwa kuwa Katibu Tawala wa Wilaya ya Mkinga
30. Kassim Salum Kirondomara ameteuliwa kuwa Katibu Tawala wa Wilaya ya Biharamulo
31. Thobias Abwaro ameteuliwa kuwa Katibu Tawala wa Wilaya ya Babati
32. Asycritus Mumena Egaruk ameteuliwa kuwa Katibu Tawala wa Wilaya ya Meatu
33. Nyakaji Etanga Mashauri ameteuliwa kuwa Katibu Tawala wa Wilaya ya Kilolo
34. Mustapha Ayubu Kimomwe ameteuliwa kuwa Katibu Tawala wa Wilaya ya Rufiji
35. Milama Masiko ameteuliwa kuwa Katibu Tawala wa Wilaya ya Serengeti
36. Mpampalika Mfaume Mpampalika ameteuliwa kuwa Katibu Tawala Wilaya ya Mwanga
37. Richard Jackson Mwalingo ameteuliwa kuwa Katibu Tawala wa Wilaya ya Mtwara
38. Zuberi Said Zuberi ameteuliwa kuwa Katibu Tawala wa Wilaya ya Magu
39. Angela Henry Mono ameteuliwa kuwa Katibu Tawala wa Wilaya ya Tanga
40. Mamndolwa Miraj Gembe ameteuliwa kuwa Katibu Tawala wa Wilaya ya Same
41. Sabina Starlin Mwajeka ameteuliwa kuwa Katibu Tawala wa Wilaya ya Momba
42. Sosthenes Chakupanyuka ameteuliwa kuwa Katibu Tawala wa Wilaya ya Kaliua
43. Adestino Gwelino Mwilinge ameteuliwa kuwa Katibu Tawala wa Wilaya ya Mbogwe
44. Justice Laurent Kijazi amehamishwa kutoka Halmashauri ya Manispaa ya Iringa kwenda kuwa Mkurugenzi Mtendaji wa Halmashauri ya Jiji la Mbeya
45.  Zaina Mfaume Mlawa amehamishwa kutoka Halmashauri ya Wilaya ya Bahi kwenda kuwa Mkurugenzi Mtendaji wa Halmashauri ya Manispaa ya Iringa
46. Raymond Mweli ameteuliwa kuwa Mkurugenzi Mtendaji wa Halmashauri ya Wilaya ya Mbarali
47. Adelina Enock Mfikwa ameteuliwa kuwa Mkurugenzi Mtendaji wa Halmashauri ya Wilaya ya Bukombe
48. Iddi Ally Ndabona ameteuliwa kuwa Mkurugenzi Mtendaji wa Halmashauri ya Mji wa Bariadi
49. Hamisi Hamidu Idd ameteuliwa kuwa Mkurugenzi Mtendaji wa Halmashauri ya Wilaya ya Busega
50. Mwarami Seif ameteuliwa kuwa Mkurugenzi Mtendaji wa Halmashauri ya Wilaya ya Nzega
51. Bi. Newaho Mkisi ameteuliwa kuwa Mkurugenzi Mtendaji wa Halmashauri ya Wilaya ya Meatu
52. Zainab Salum Mgomi ameteuliwa kuwa Mkurugenzi Mtendaji wa Halmashauri ya Mji wa Nanyamba
53.  John Marco Pima ameteuliwa kuwa Mkurugenzi Mtendaji wa Halmashauri ya Manispaa ya Tabora
54.  Albina Willium Mtumbuka ameteuliwa kuwa Mkurugenzi Mtendaji wa Halmashauri ya Wilaya ya Bahi
55. Paulo Francis Faty ameteuliwa kuwa Mkurugenzi Mtendaji wa Halmashauri ya Wilaya ya Mvomero
56. Shabani Kabelwa ameteuliwa kuwa Mkurugenzi Mtendaji wa Halmashauri ya Wilaya ya Kaliua
57. Vicent Augustino Mbua ameteuliwa kuwa Mkurugenzi Mtendaji wa Halmashauri ya Wilaya ya Ukerewe.